Chitwan Patra

सौराह, चितवन । चितवनको पर्यटकीय क्षेत्र सौराहमा पर्यटकहरुलाई थप मनोरञ्जन दिनका लागि नयाँ स्थानबाट नौका बिहार सुरु गरिएको छ । यहाँ आउने पर्यटकहरुलाई मध्य नजर गरेर हालैबाट कुमरोज मध्यवर्ती सामुदायीक वनको जिन्दगानी घाटबाट भिमपुर घाटसम्म नौका बिहार सञ्चालनमा ल्याइएको हो ।

सौराहामा रहेको किनार रेष्टुरेण्ट एण्ड वारले ठेक्कमा लिएर सचालनमा ल्याएको नौका बिहारलाई वनबास रिसोर्टले प्रबध्र्दन गर्दै आएको छ । शान्त वातावरण सुन्दर प्रकृति मन पराउने पर्यटकको लागि निकुञ्ज र कुमरोज सामुदायीक वनको बिच भएर बग्ने राप्ती नदी नौका बिहार उपयोगी रहेको वनबास रिसोर्टका कार्यकारी निर्देशक बासु ढुगानाले बताउनु भयो । उहाँ भन्नुहुन्छ, “प्राकृतिक रूपमा अत्यन्त आकर्षक, जैविक विविधताले भरिपुर्ण शान्त र रमणीय यो क्षेत्रमा अन्यत्र भन्दा लामो दुरीको नौका बिहारको मज्जा लिन सकिन्छ ।”

उक्त नौका बिहार कुमरोज मध्यवर्ती सामुदायीक वनको जिन्दगानी घाट देखि भिमपुर घाट सम्म करीब ६ किलोमिटरको यात्रा करीब डेढ घण्टाको हुने छ । सौराहाको नजिकै यति सुन्दर ठाउँको पहिचान भएसंगै हालैबाट मात्र उक्त नौका बिहार सञ्चालनमा आएको छ । यो नौका बिहार स्तरीय पर्यटकहरुले मन पाराउने कार्यकारी निर्देशक ढुगानाले बताउनु भयो ।

उक्त स्थान वाट नौका बिहार गर्दा कुनै किसिमको मानबिय चापको अनुभुति हुदैन वन र प्रकृति सँग रमाउदै लोपन्मुख घडीयाल गोही पानीमा आश्रित चराहरु र दुर्लभ एक सिगे गैडा लगाएतका वन्यजन्तुहरुको पनि अबलोन गर्न सकिन्छ । हालै शुरु भएको उक्त नौका बिहार गर्दा दुर्लभ पाटे बाघ पनि देखिने गरेको नेचर गाईड राम प्रसाद पराजुलीले बताउनु भयो । सौराहाको विभिन्न स्थानबाट डुगा सफारी हुदै आए पनि शान्त पर्यावरणमा रमाउने पर्यटकहरुलाई यो नौका बिहार बाट थप आनन्द दिने उहाँको भनाई छ ।

उक्त नौका बिहार हाल १० वटा बोट बाट करीब २ सय जना पर्यटकहरुलाई सेवा दिन सकिने छ । करिब एक घण्टा समय लाग्ने यो यात्रा सौराहाबाट करिब १० किलोमिटर पूर्वमा पर्छ। नौका विहारका लागि विदेशी पर्यटकले निकुञ्ज प्रवेश शुल्क दुई हजार, सार्क देशका पर्यटकले एक हजार रुपैयाँ र नेपालीले १५० रुपैयाँ तिर्नुपदर्छ। डु∙ाको भाडा पाँच सय रुपैयाँ अतिरिक्त तिर्ने व्यवस्था गरिएको छ। यो स्थान पुग्न कुमरोज मध्यवर्ती वन पार गर्नुपर्ने भएकाले यात्रामा जंगल सफारीको अनुभव पनि गर्न सकिन्छ । बाघ, गैँडा लगायतका वन्यजन्तु, जलचर र चराचुरु∙ीको सजिलै अवलोकन गर्न सकिने भएकाले अन्य क्षेत्रको तुलनामा यो क्षेत्र थप आकर्षक रहेको छ।