साग सकियो, कुन देशको कति पदक ?
काठमाडौँ — १० दिनसम्म चलेको १३औँ दक्षिण एसियाली खेलकुद (साग) मंगलबार समापन भएको छ । १३औँ संस्करणमा नेपालले ऐतिहासिक नतिजा निकाल्दै ५१ वटा स्वर्ण जित्न सफल भएको छ । यसअघिका सागमा नेपालले यतिको संख्यामा स्वर्ण जितेको थिएन ।
१३औँ सागमा पहिलो पटक २७ वटा खेल समावेश भएका थिए। आयोजक नेपालले सबै खेलहरुमा प्रतिस्पर्धा गरेको थियो।भारतले २४ वटा खेलमा मात्रै सहभागिता जनाएको थियो।
गौरिका सिंहले एउटै संस्करणमा धेरै वटा स्वर्ण जित्ने पहिलो नेपाली खेलाडी बन्दै कीर्तिमान राखिन्। १३औँ सागमा गौरिकाले ४ स्वर्ण र २/२वटा रजत र कांस्य जितिन्।
नेपालले सबैभन्दा बढी स्वर्ण तेक्वान्दो जित्यो। तेक्वान्दोमा १२ वटा स्वर्ण र जुडोमा १० वटा स्वर्ण जितेको छ। यस्तै,नेपालले ६० रजत र ९६ कांस्य गरी कूल २ सय ६ वटा पदक जित्यो।
भुटानले ७ रजत र १३ वटा कांस्य जित्यो।
१३ औँ सागमा सबैभन्दा बढी पदक भारतले जित्यो। भारतले ३१२ वटा पदक जित्यो। यस्तै, श्रीलंकाले २५१, नेपालले २०६, बंगलादेशले १३८, पाकिस्तानले १३१, भुटानले २० र माल्दिभ्सले ५ वटा पदक जित्यो।
सम्बन्धित खवर
-
काठमाडौं,जेठ ३- सभामुख देवराज ...
-
काठमाडौं, जेठ १- नेपाली ...