Chitwan Patra

भरतपुर । मञ्जुश्री असाह्य संरक्षण केन्द्रलाई भरतपुर महानगरपालिका वडा नम्बर १२ ले खाद्यन्न सहयोग गरेको छ ।

खाद्यन्न सहयोग गर्दै यस्ता संरक्षण गृहहरुलाई सहयोग गर्न पाउँदा खुसी लागेको भरतपुर महानगरपालिका वडा नम्वर १२ का वडा अध्यक्ष एवं कार्यक्रमका प्रमुख अतिर्थी लेखाराज पन्त हरिले बताउनु भयो । उहाँले सानैबाट सामाजिक कार्यमा अग्रसर भएका कारण पनि यस्ता सामाजिक सेवाभावमा मन जाने गरेको बताउनु भयो ।

सरकारले गर्नुपर्ने काम कुनै व्यक्तिले संस्था खोलेर अनाथ बच्चाहरुलाई संरक्षण गर्ने काम निकै चुनौती भए पनि चुनौतीका बिच पनि मञ्जुश्रीले निकै राम्रो काम गरेको बताउनु भयो । उहाँले वडा मार्फत केही सहयोग गर्न पाउँदा खुसी लागेको र आउँदा दिनमा पनि यस्लाई निरन्तरता दिने बताउनु भयो ।

कार्यक्रममा मञ्जुश्री असाह्य संरक्षण केन्द्रका अध्यक्ष मञ्जु खाँडले सहयोग गरेकोमा वडा नम्वर १२ लाई धन्यवाद दिदै संस्थाको बारेमा जानकारी गराउनु भएको थियो । संस्थाले हिंसामा परेका महिला तथा बालबालिकाहरुलाई कानुनी लडाईमा सहयोग गर्नुका साथै अहिलेसम्म करिब चार सय जना हिंसामा परेका महिला तथा बालबालिकाहरुलाई पुर्नस्थापना गरेको सो अवसरमा बताउनु भयो ।

खाद्यन्न सहयोग कार्यक्रममा वडा सदस्य जमुना ढु∙ाना, वडा सचिव विष्णुमाया आचार्य लगाएतको सहभागिता रहेको थियो ।