टोकियो/जापान। केहिदिनदेखि जापानको ओकिनवा तथा खागोशिमा क्षेत्रमा प्रकोप निम्त्याईरहेको ताईफु ६ खागोसिमी प्रिफेक्चरको अमामी क्षेत्रलाई घेर्दै उत्तरतिर सर्दैछ । यो ताईफु यहि ९ तारिख जापानको क्युसु क्षेत्र पुग्ने अपेक्षा गरिएको छ।
यो ताईफु ६ ले भोलि(८ तारिख)देखिनै क्युसुको दक्षिण भेग तथा आमामी क्षेत्रमा भारी वर्षा एवं हावाहुरीको प्रकोप सिर्जना गर्नसक्ने अनुमान गरिएको छ।
जापानको मौसम विज्ञान एजेन्सीका अनुसार ताईफु ६ आज दिउँसो ३ बजे खागोसिमा प्रिफेक्चरको अमामी शहरबाट १५० किलोमिटर पूर्वी समुद्रमा सुस्त गतिमा उत्तरतर्फ सर्ने गतिमा देखिएको छ। केन्द्रीय चाप ९७० हेक्टोपास्कल, केन्द्र नजिक हावाको अधिकतम गति ३० मिटर, तत्काल हावाको अधिकतम गति ४० मिटर र केन्द्रबाट २२० किलोमिटरको दायराभित्र २५ मिटर वा सोभन्दा बढी हावाको गति बहिरहेको छ।
आँधी बिस्तारै सर्ने भएकाले, भारी वर्षा र आँधीको प्रभाव लामो समयसम्म रहन सक्छ र लामो समयसम्म लगातार। हावाको बहावका कारण पश्चिमी र पूर्वी जापानको प्रशान्त क्षेत्रमा भारी वर्षा हुने आँकलन गरिएको छ।
जेआर वेस्टका अनुसार ताईफु ६ को आगमनको कारण, सानो शिन्कान्सेनले शिन-ओसाका स्टेशन र हाकाता स्टेशनको बीच ९ तारिखको रातदेखि १० तारिखको बिहानसम्म सञ्चालन गर्न बन्द गर्ने योजना बनाएको छ। यस्तै गरि अन्य रेल सेवा तथा हवाई उडानहरु पनि ताईफुका कारण प्रभावित हुनसक्नेछ।
