Chitwan Patra

जाल्पा सामुदायिक लघुवित्त वित्तिय संस्था लिमिटेडको आइपिओ बाँडफाँड आज फागुन १ गते बालुवाटार, काठमाडौं स्थित Times Square Restaurant मा साँझ ५ बजे सम्पन्न भएको छ।

मागभन्दा बढी आवेदन परेको हुनाले कम्पनीको प्राथमिक निष्काशनको बाँडफाँड गोलाप्रथाबाट गरिएको छ। कुल २७ लाख ९ हजार ८ सय ५५ जना आवेदक मध्ये योग्य आवेदक २५ लाख ८७ हजार ४ सय १२ जनाले आवेदन दिएकोमा २५ लाख ३८ हजार ६ सय २२ जना आवेदकको हात खाली हुने भएको छ। आवेदक सँख्याको हिसाबले यस कम्पनीको सार्वजनिक निष्काशनमा परेको आवेदन हाल सम्मकै उच्च हो।

बाँकी आवेदकमा ४८ हजार ७ सय ९० जना आवेदकले १० कित्ताको दरले शेयर पाउने भएका छन्। जाल्पा सामुदायिक लघुवित्तको आइपिओमा ३ करोड ३१ लाख ४७ हजार १ सय ५० कित्ताको लागि कुल रु.३ अर्ब ३१ करोड ४७ लाख १५ हजार बराबरको आवेदन परेको थियो।

आवेदकले आइपिओ रिजल्ट कम्पनी तथा बिक्री प्रबन्धकको वेभसाइट र सिडिएससीको आइपिओ रिजल्ट हेर्ने वेभसाइटबाट हेर्न सक्नुहुन्छ।

लघुवित्तको प्रति साधारण शेयर रु.१०० अंकित दरका ५ लाख २२ हजार कित्ता साधारण शेयर मध्ये २६ हजार १ सय कित्ता अर्थात ५% शेयर सामूहिक लगानी कोषको लागि बाँडफाँट गरिएको तथा ८ हजार कित्ता अर्थात जारी पूंजीको ०.५% शेयर कर्मचारीहरुको लागि सुरक्षित गरी बाँकी रहने ४ लाख ८७ हजार ९ सय कित्ता साधारण शेयर सार्वजनिक निष्काशनमा आएको थियो। यस्तै, कम्पनीले शेयर निष्काशन तथा बिक्री प्रबन्धकको कार्य गर्न प्रभु क्यापिटल लिमिटेडलाई नियुक्त गरेको थियो।